NCCR Mageuzi yakataa kuungana na CHADEMA kuunda Halmashauri!

Mwenyekiti wa Chama cha NCCR Mageuzi Mhe. James Mbatia

Makubaliano baina ya CHADEMA na NCCR ya kushirikiana kuunda halmashauri ya wilaya ya uvinza yameingia dosari baada ya uongozi wa juu wa NCCR kukataa kushirikiana na CHADEMA yenye viti 7, NCCR viti 5 na CCM viti 5.

Habari zaidi zinaripoti kwamba Uongozi wa Juu wa CHAMA Cha NCCR-Mageuzi umepinga makubaliano ya kuongoza kwa pamoja Halmashauri ya Wilaya Uvinza Kati ya CHADEMA na chama hicho. Makubaliano ya awali ilikuwa ni kwa CHADEMA kurejesha fomu za uenyekiti, NCCR-Mageuzi umakamu. CHADEMA imerejesha, NCCR-Mageuzi imerejesha ya uenyekiti pia. Hivyo nafasi ya makamu Mwenyekiti imebaki na mgombea wa CCM tu.
Makubaliano yalikuwa CHADEMA watoe mwenyekiti na NCCR watoe makamu, lakini cha kusikitisha, CHADEMA na NCCR wamerudisha wote fomu za uenyekiti huku CCM pekee akirudisha fomu ya makamu mwenyekiti.