Wabongo na Mandela: Tatizo ni nini?

Katika kipindi chote hiki cha kuumwa kwa Rais mstaafu wa Afrika Kusini Mzee Nelson Mandela kumekuwa kukizushwa habari za kifo chake mara nyingi zaidi kuliko hata habari za hali ya kuumwa sambamba na maendeleo ya hali yake.  Baadhi ya waandishi na hasa Bloggers wameendelea kudakia habari za uongo na kutangaza kuwa kiongozi huyu amefariki bila kuwa na uhakika na hivyo kuwafanya wasomaji washindwe kujua nini hasa kinaendelea.

Maisha Times inawaomba waandishi na bloggers wengine kuwa na subira na kujaribu kufuatilia vyombo vya kuaminika kwenye ishu muhimu kama hii. Si jambo la busara kuendelea kutoa habari za uongo ili mradi tu watu wasome ulichoandika. Tubadilike!

Leo hii, Rais wa Afrika Kusini Jacob Zuma, ameuambia umma kuwa hali ya Mandela imeimarika kwa kiasi. Rais Zuma pia amesitisha safari yake ya Msumbiji ili akaonane na Mandela na madaktari wake.

Maisha Times itaendelea kukupa habari za uhakika kuhusiana na hali ya kiongozi huyu wa Afrika na muasisi wa demokrasia ya Afrika Kusini.