Manzese hapakaliki: Ni vita kati ya Wamachinga na Polisi, Ofisi ya CCM yachomwa moto!

Habari zilizoifikia maisha Times Blog dakika chache zilizopita zinaripoti kwamba hali si shwari katika eneo la Manzese jijini Dar es salaam, Polisi wanapambana na wafanyabiashara wadogo wadogo (Wamachinga) waliovamia na kufanya biashara eneo la barabara ya Morogoro Road katika eneo hilo kinyume na amri ya Jeshi la Polisi ya kupiga marufuku wafanyabiashara hao kufanya biashara katika eneo hilo.

Kuna habari ambayo haijathibitishwa inayosema kwamba Vurugu hizo zimepelekea Ofisi ya Chama Cha Mapinduzi (CCM) katika eneo hilo kuchomwa moto.

Endelea kufuatilia Maisha Times Blog na punde tutakujuza zaidi kuhusiana na kile kinachoendelea.